MAAGA akong nagising dahil hindi naman ako nakatulog ng maayos. Parang tatlong oras lang ang naitulog ko. Pabaling-baling ako sa higaan.
Naabutan ko si Luna sa kusina na nagkakape at may pandesal na nakasalpak sa bibig niya.
Nagulat siya ng makita niya ako. “Sir, ang aga niyo yatang nagising? Kape po tayo at 'pandesal sa umaga'.” Alok nito at kinanta ang huling sinabi kaya natawa ako.
Tumayo ito at nagtimpla ng kape ko. Kumuha ako ng pandesal at naglagay ng palaman na cheese, saka ko kinagat. Mainit pa ang tinapay. Siguro kabibili niya lang ito.
“Saan mo binili itong pandesal?” tanong ko kay Luna habang ngumunguya. Naupo si Luna at ibinigay sa akin ang kape na ginawa nito.
“Diyan po Sir sa labasan. Mabuti meron akong bike kaya hindi ako nahirapang pumunta doon.” Wika nito.
“Mukha ya
