Kinabukasan ay handa na ang mag-partner sa kanilang biyahe.
"Baby, magpakabait ka dito, ha. Huwag mong bigyan ng sakit ng ulo si Yaya Maek, at si Lola." Bilin ni Jester sa anak.
"Opo, Mommy."
"Maek, huwag mong pabayaan ang bata, at ang pagkain niya."
"Opo, Ate. Huwag kang mag-alala ako na ang bahala kay Clyde."
Pag-alis ng mag-partner ay saka naman dumating si Collin, at Tom. Pagkadating nila sa condo ay agad silang nag-doorbell. Binuksan naman ito ni Maek, sa pag-akala na ang Ate Jester niya ang bumalik.
"Ay! Ikaw pala, Kuya Collin. Pasok kayo — Hala! Sino itong kasama mo, kuya?" tanong ni Maek, dahil nagulat siya sa mukha ng lalaki sapagkat kahawig ito ni Clyde.
"Pinsan ko siya Maek. Si Kuya Tom mo."
"Hello po, Kuya Tom, ang guwapo mo naman po! Alam mo kuya, para kayong mag-ama
