"KAILAN ka ulit dadalaw dito Ate bayaw?" Tanong ni Seven, nandito pa rin kami ngayon sa room ni W. Pinagbabalat ko siya ng orange na ipinabili ko kay Seven kanina ng matapos niyang tingnan ang lagay ni W.
Tulad ng dati ay hindi pa rin talaga ito nagsasalita at lagi lang nakatulala. Ako mismo ang nagbubuka ng bibig niya para kumain siya ng prutas para maging malakas siya.
Napapangiti ako kapag nakikita siyang lumulunok kahit papa'no. Ang bawat galaw na ginagawa niya ay malaking development na tulad ng sabi ni Seven dahil sa madalas na pagiging tulala nito.
Para siyang buhay na patay. Buhay ang katawan pero hindi ang puso dahil nababalot iyon ng sakit at pangungulila.
"Kapag literal na akong baliw." Pabirong sagot ko sa tanong ni Seven pero ika nga nila minsan kalahati sa biro ay totoo.
