"Boss, pasensya na po talaga, hindi ko naman po---"
"Stop, we'll talk about this tomorrow." Putol ni Raven sa kaniya bago napabuntong-hininga. Saglit siyang napatingin sa labas, iniisip kung saan magpapababa si Hestia. Hindi nito sinabi sa kaniya kung saan niya ito ihahatid.
"Where's your apartment?" Tanong niya na tila ikinataranta ni Hestia.
Napatingin si Hestia sa paligid. "Um, boss dito na lang sa tabi, mag-taxi na lang po ako pauwi." ani ni Hestia.
Umiling si Raven at tumingin sa kaniya. "No, tell me at ihahatid kita." Anito.
Hindi alam ni Hestia kung paano siya magdadahilan. Alam niya na desidido ang kaniyang boss na ihatid siya sa apartment niya. Ang kaso ay wala naman siyang apartment. Hindi naman niya p'wedeng sabihin na sa company siya tumutuloy. Mas lalo siyang mabebeng
