PAGBALING ni Chrislynn ay napahayon agad ang tingin niya sa direksiyon ng kusina niya. Nakatayo roon si Kirst habang medyo nakaawang pabukas ang pinto.
"Anong ginagawa mo riyan?" Taka pa niyang tanong. Inilapag niya sa bangko ang dala niyang bag.
"Bakit hindi mo pa palagyan ng bubong itong kusina mo?" Sa halip ay tanong nito.
"Wala pang budget. Saka wala naman akong kilalang gagawa niyan, eh."
Open pa kasi ang kusina niya kaya naman kapag umuulan ay talagang nagpuputik. Hindi naman niya malagyan ng tulda dahil walang magkakabit. Kaya ang gamit niya sa pagluluto ay nasa loob din ng bahay niya. Hindi pa rin niya nahahakutan ng graba ang kusina niya dahil nawalan siya ng panahon para gawin iyon.
"Kahit tulda lang pansamantala?" Pagkasara nito ng pinto ay humarap na ito sa kinaroroonan ni
