ALAS DOSE na ng hating gabi ngunit hindi pa rin dinadalaw ng antok si Chrislynn. Tulog na si Kirst ngunit siya ay hindi pa. Hindi naman siya uminom ng kape pero hayon at mulat na mulat pa rin ang kaniyang sistema.
Isang tingin pa kay Kirst pagkuwan ay maingat siyang bumaba sa kama. Lumabas siya ng silid at dumiretso sa kusina para uminom ng tubig. Matapos uminom, sa halip na bumalik sa silid ni Kirst ay dumiretso siya sa may tabi ng glass wall sa may salas.
Kinuha niya ang isang silya at inilagay sa tabi ng glass wall at doon ay naupo. Itinaas pa niya ang dalawang paa at bahagyang niyakap bago sumandal sa sandalan niyon. Masarap sa mga mata ang mumunting ilaw sa siyudad. Medyo nakaka-relax ding pagmasdan ang magandang tanawin. Nakaupo lang siya roon at nagpapaantok.
Kung namamahay siya,
