Magkatabing nakaupo si Tamara at Leandro sa likuran ng passenger seat habang nasa driver seat naman si Raul katabi si Nathan. Habang nasa daan ay panay sulyap ni Nathan sa review mirror kay Tamara. Hindi niya kasi maiwasan na tignan ito dahil sa nakakaakit nitong ganda ngayon. Bukod doon ay nag-aalala din siya sa mga magaganap mamaya. Kung totoo ngang maaring may magtangka sa buhay ni Leandro ay hindi niya i-aalis ang tingin niya kay Tamara lalo pa at alam niyang gagawin din nito ang lahat upang protektahan ang anak ni Mr. Yao.
Isang oras ang nakalipas nang marating nila ang Fairmont Hotel. Sa labas pa lamang ng hotel ay pailan-ilan na ang mga taong bumababa sa kanilang mamahaling sasakyan patungo sa loob. Kapansin-pansin din ang mga taon umaaligid sa labas na mga nakaitim hindi nila matu
