Napasinghap ang mga nakakita sa ginawa kong pagpigil sa duke. Pero ang mas nakakagulat ay ang posisyon ko para lang mapigilan siya. Nasa kanang parte niya kasi ako nakaupo at nasa kaliwang bewang naman niya ang kanyang espada. Kaya para mapigilan ko ang kanyang kamay na hugutin ang espada ay para bang yumakap ako sa kanyang bewang maabot lang ang kanyang kamay na nakahawak na sa espada niya.
"Lagot na..."
"Sino ba siya para pigilan ang duke?"
"Tsk! Iniligtas niya tayo pero siya naman ang mamamatay."
"Sabagay siya naman talaga ang dahilan kaya nangyari ito."
Muling aakma na hugutin muli ng duke ang kanyang espada dahil sa mga bulungan ng tauhan ng boutique na akala mo nakaligtas na sila sa galit ng duke. Kaya lalo kong hinigpitan ang paghawak ko sa kamay ng duke para pigilan siya na p
