Nagpatuloy lang ang duke sa pagpapakain sa akin ng mga putaheng inorder niya. Hindi man lang niya yata binigyan pansin na kami ang sentro ng atensyon ng lahat na nandito sa kainan. Kaya parang robot ko na nga lang nginunguya at nilulunok ang lahat ng isinusubo niya sa aking bibig. Hindi na nga ako magtataka kung kakabagan ako nito mamaya.
"D-Duke..." pag-angal ko pero tila bingi siya at hindi tumigil sa kanyang ginagawa.
Dahil muling nag-angat niya ang kutsarang may laman na pagkain palapit sa aking bibig. Maluha luha naman ako tumitig doon at hiniling na matapos na ang pagpapahirap niya sa akin.
Ito ang eksenang karaniwang pinapangarap ng kababaihan na makikita sa isang nobela. Subalit magkasalungat ang realidad mula sa kwento. Dahil kaysa kiligin ako na isang kasing gwapo ng duke ang
