Lumipas ang dalawang linggo na walang ni anino ng duke ang bumisita sa akin. Halata na iniiwasan niya ako pagkatapos ng nangyari sa amin sa gabing iyon.
Minsan ay sinubukan ko na itanong kina Annie at Kano kung nasaan o ano ang ginagawa ng duke pero sinasabi nila na hindi ito umaalis ngayon ng kanyang opisina at basta nagkukulong lang doon.
Iyon ang dahilan kaya malaya silang nakakadalaw sa akin ngayon sa basement. Pati na nga ang triplets at sina Sir Oscar ay paminsan minsan na dumadalaw sa akin.
Dahil dito ay hindi ako nakaramdam ng pagka-bored ng mga nakaraang araw. Lahat kasi sila ay may dalang mga kwento tungkol sa labas. Kaya nitong nakaraan ay naging updated ako sa mga pangyayari.
"Dumating na naman si Viscount Jarmel?" hindi makapaniwalang sambit ni Annie habang kausap niya a
