"Iwanan niyo kami ni Ada," biglang utos ni Duke Cailen sa dalawang kasamang knight.
Agad naman na tumalikod sina Oswald at Kano saka naglakad palayo. Hindi man nila inalam ang dahilan kaya pinaalis sila ng kanilang duke. Basta lang sila sumunod sa kanyang pinag-uutos.
Hinubad ng duke ang kanyang suot na coat. Kaya biglang napalunok ako sa takot na ituloy niya ang nakaraang plano niya. Saka agaran ako umupod palayo at niyakap ang aking sarili na tila pinoprotektahan ito sa kanya.
Pinagtaasan naman ako ng kilay ni Duke Cailen nang mapansin niya ang aking reakston. "Tss huwag kang mag-alala... Wala ako sa mood para gawin ang bagay na iyon ngayon..." walang interes na bulalas ni Duke Cailen.
Bahagyang nakahinga ako ng maluwag na malaman iyon. Subalit kung hindi iyon ang dahilan kaya ipinaa
