"Uwaaaa!"
Agad ako tumakbo patungo sa pinagmumulan ng iyak na iyon. Hanggang sa buksan ko ang pinto ay nakita ko si mama sa higaan na may buhat na mga sanggol.
"Ma'am Mayna, congratulations!" masayang bati nina Perenna at Egeria kay mama.
Malapad naman na ngumiti si mama sa kanila saka tinignan ang mga sanggol sa kanyang bisig.
Nang mapansin niya ako sa tapat ng pintuan at lalong lumaki ang ngiti niya.
"Ada, anak! Halika rito!" maingat naman ako lumapit kay mama at sinilip ang mga sanggol na karga niya, "Tignan mo ang mga kapatid mo, anak."
May anong ligaya sa puso ko na makita ang mga nakakabatang kapatid ko. "M-M-Maaari ko po ba buhatin ang isa sa kanila?" pahingi ng permiso ko.
Tumango naman si mama habang tinulungan naman ako ni Perenna na buhatin ang sanggol na babae. Nakita ko
