"Hmmm..." bulalas ni Gerda habang buong atensyon na binabasa ang bagong kong ginawang nobela.
Kita ko pa ang ilang beses na pagkunot ng kanyang noo na tila hindi niya nagustuhan ang aking panibagong istorya. Hindi ko tuloy maiwasang kabahan na baka ito ang kauna-unahang ireject niya sa aking mga naisulat.
Malakas na napabuga muna siya ng malalim na hininga saka hinarap ang aking tingin.
"M-May problema ba sa gawa ko?" kinakabahang tanong ko sa kanya.
Ibinababa ni Gerda ang hawak niyang manuscript. "Didiretsahin na kita, Miss Ada," seryosong sambit ni Gerda sa akin, "Walang akong makitang pinagkaiba sa istoryang ito sa nakaraan mong nailimbag na libro. Pareho ng tema at takbo ng istorya. Ang iniba mo lang ay pangalan ng karakter at lugar. Hindi ko alam kung nauubusan ka na ba ng ideya p
