"Mawawala ako ng ilang araw," bilang pamamalita sa akin ng duke, "Hindi ko na maaaring ipagpaliban pa ng mas matagal ang pagpunta sa palasyo. Kaya habang wala ako ay mag-behave ka rito, Ada..."
Wow! Ito yata ang pinakamasayang balita na narinig ko ngayon. Ilang araw ako makakawala sa mga naiisip na kabaliwan ng duke nitong nakaraan.
"Oh... Ingat kayo..." masayang sambit ko pa sa kanya.
Sinamaan naman niya ako ng tingin. "Ganyan lang ang ibibigay mong reaksyon?" hindi niya makapaniwalang tanong at bigla na lang ako hinapit sa bewang, "Para yata masaya ka pa na hindi mo ko makikita ng ilang araw ah!"
Mabilis ko na iniling ang ulo ko para itanggi iyon. "Hindi po, duke!" pagsisinungaling ko, "Ang totoo ay sobrang lungkot ko na ngayon na malaman na hindi ko kayo makikita ng ilang araw. Pini
