Di ko na mabilang kung ilang ulit akong napasulyap sa suot na relos habang kaharap ang ilang mga designers na ka-meeting ko para sa ilalabas na design ng Airah's Collections sa darating na fashion week na gaganapin sa ibang bansa.
Nataong pagkatapos ng birthday ni Daddy magsisimula ang paghahanda para sa fashion week kaya gusto kong maayos na ang lahat bago ang birthday para wala na akong iba pang iisipin sa araw na iyon kundi ay ang tungkol sa plano ko.
"Miss A, may suggestions po ba kayo sa mga designs na napili namin?"
Nabalik ang atensiyon ko sa nagsasalita sa harapan dahil sa tanong nito.
Pinasadahan ko ng tingin ang nakapresentang design sa malaking screen sa harapan bago muling bumalik ang atensiyon sa oras.
"Just send me some copies of the designs, I'll just give suggestions a
