"You're late," sabi niya habang palapit sa akin.
Umatras ako ng isang beses. Napatingin ako sa babaeng nakapamewang sa kanyang likuran. Hindi ko tuloy maimikan si Peter.
"Uh...Bakit hindi mo ako ginising? Sana, sabay na tayong pumunta rito sa office mo," simpleng sabi ko.
Pansin kong lumapit si Monna sa kanyang likuran. Humawak bigla ito sa braso ni Peter na ikatitig ko nito ng mariin. Hindi man lang umimik ang lalaki sa kanyang tabi.
Para bang normal lang sa kanila na mahawakan niya sa braso ang lalaking seryosong nakamasid sa akin.
"I guess mamaya na kita kausapin, Peter. Your wife is here," sabi nito.
Hindi siya binalingan ni Peter, dahil ang atensyon nito ay nasa akin. Kumunot ang noo ko.
Tiningnan ako ni Monna gamit ang mapanuri niyang mga mata bago niya binitawan sa braso s
