Sascha
Pagpasok namin sa airport ay bigla akong nagtaka dahil humiwalay kami agad sa pila ng mga tao at sa ibang lane ang pinasukan namin kung saan ay halos wala masyadong tao. May pinakita lang na ID si Keith at kinausap ang cashier sabay pinapasok na kami. Tumingin naman si Keith sa akin at tinawag na ako kung saan ay sumunod naman ako.
Nakatingin pa sa akin ang cashier at mukha siyang nagtataka kung bakit kasama ko ang isang mythical god na tulad ni Keith. Hmmm, oo nga at wala pa akong alam tungkol sa lalaking ito samantalang siya halos alam na niya ang talambuhay ko. May girlfriend na rin siguro si Keith dahil sa gwapo niya ba naman na iyan ay imposibleng wala siyang mabingwit na babae.
Biglang tumigil si Keith at nakita ko na tumigil siya sa isang napakalaking eroplano at may m
