Kabanata 13
Looking So Hot
Pinutakti ako ng interogasyon nina Clover, Jayda at Arielle dahil hindi ako nakapasok kahapon at ngayong Martes lang nila ako nakita sa school. Ang sinabi ko kay Harris no’ng tumawag siya noong nasa Canvertudez pa ako ay iyon din ang isinagot ko sa kanila.
“Sayang talaga at hindi ka nakasama sa amin last Saturday,” ani Clover. Inabutan niya ako ng mint chewing gum na isang bagay na hindi mawawala sa tatlong ito. Kumuha lang ako ng isang strip doon at tahimik na ngumuya.
Paalis na kami ng campus ngayon. Alas tres pa lang ay natapos na ang klase namin sa araw na ito. Pero pumayag akong sumama kay Clover, Arielle at Jayda ngayon dahil matinong lakad naman itong sadya nila.
Maaga pa kasi para umuwi ako sa apartment. Mababato lang ako roon dahil wala naman akon
