Kinabukasan ay maaga akong nagising. Nakapagpahinga ako ng maayos dahil hindi na rin naman ako ginulo nila Rhea at Isay. Marahil ay naintindihan nila na may jet log ako.Tulog pa ang dalawa sa kanya-kanya nilang kama. Minamuti ko nalang na maligo na upang di na ako magmamadali kapag oras na ng trabaho. Saktong lumabas ako sa banyo ay nagising sina Rhea at Isay. Tapos na akong maligo kaya sumunod agad sa akin si Isay. Kinuha ko ang uniporme upang isuot yon.
"Lapit ka nga dito, Beb." sabi ni Rhea sa akin at sininyasan na umupo ako sa upuan na hinila niya mula sa sulok.
"Bakit?" naguguluhang tanong ko sa kanya ngunit umupo naman sa upuan. Pinatingala naman niya ako. Kaya wala na akong nagawa kondi ng sumunod sa nais niya. Nagulat pa ako ng makitang may hawak itong blade. "Teka, anong gagaw
