Matuling lumipas ang mga araw, buwan, hanggang naging isang taon na ako dito sa Jordan. Masasabi ko na maraming nagbago sa akin lalo na sa pisikal na anyo. Medyo pumuti ako dito at nagkalaman ang katawan. Nainggit nga daw sina Rhea at Isay sa katawan ko dahil makurba daw ito ayon sa kanila. Pero alam kung nagbibiro lang sila. Di nalang nila diretsong sabihin na tumaba ako dito.
Nasa kama ako, kausap ko sina nanay at ang mga kapatid gamit ang tablet na binili ko para sa kanila. Although, may kanya-kanya nang cellphone sina Allen at Jerod ay nakasanayan pa rin nilang sama-samang kausapin ako. Nagbago na din ang pamumuhay nila sa Pilipinas kung dati ay naglalabada pa si nanay, ngayon ay may sarili na itong sari-sari store. Mahigpit kong pinagbawal na si nanay na maglabada pa. Ayaw sana pum
