Tulad ng inaasahan ko di nga kami nakauwi. Maliban sa tulog ang mga bata, walang maghahatid sa amin dahil hanggang sa mga oras na ito ay wala pa si Blaze. Pumasok ito sa kompanya nila. Di ko nga namalayan ang pag-alis niya marahil nasa kahimbingan ako ng tulog. Matapos naming maghapunan ay muli akong umakyat sa kwarto ni Blaze kung nasaan ang mga bata. Naghanda muna ako ng dalawang baso na may lamang gatas na di pa tinutunaw at isang malaking tumbler na may lamang maligamgam na tubig. Para ito mamaya kung sakaling maghingi ang kambal ng gatas. Pinahiram lang ako ng pantulog ni tita Adel. Ngunit parang gusto ko na lang magpalamon sa lupa nang makitang nighties ang pinahirap niya sa akin. Sobrang nipis nito at hindi ako sanay magsuot ng nighties. Mas sanay ako sa pajama at jacket dahil mas
