Gabi na ang makauwi kami sa bahay. Naglaro pa kasi ang kambal sa Freedom Park na nadaanan namin. Hinayaan ko na lang dahil minsan lang naman sila makagala. Bahay, eskwelan lang sila. Pag sinabi kong diretso ng uwi ay sinunod nila. Hindi ko napansin sa kambal na kapag pinagbawalan ay nagdadapog. Makulit sila pero masunurin na mga bata. Kaya hindi sumakit ang ulo ko sa kanila.
"Mama, may assignment po pala kami." sabi ni Daniel sa akin.
"Ano yon, anak?" tanong ko sa kanya. Nasanay ako na "anak or nak" ang itawag ko sa kanila ni Lucian kahit di naman sila galing sa akin.
"Ito po, oh. Ang hirap po sagutin." reklamo niya sa akin. Sabay pakita ng takdang aralin. Natawa ako dahil Filipino ang subject na iyon. Kung gaano sila ka fluent sa English, ganon din sila nahihirapan sa Filipino.
