"Hello, Sophie!" excited na bati ni Tita Mae kay Sophie bago siya bineso-beso at niyakap nang mahigpit. Nasa likuran nito si Tito Ben at ang dalawang enlisted men na naka-detail dito bilang security. Malapit nang magtanghali at kadarating lang ng mag-asawa sa resthouse.
"Hindi ako makapaniwala kagabi nang sabihin ni Rob na hindi ka na matutuloy sa Balesin at kami ang sasamahan mo," ani Tita Mae nang bitiwan siya nito.
Alanganin siyang ngumiti bago tinapunan ng tingin si Rob na noon ay ilang hakbang ang layo sa kanila at tahimik silang pinagmamasdan. Nagtama ang mga mata nila. Siya na ang unang umiwas. Pigilan man niya, agad siyang pinamulahan ng pisngi. The kiss they've shared last night kept on playing on her head.
Kagabi, matapos ang hindi nila sinasadyang paghahalikan sa library, hin
