Akhira's Pov
Nang makarinig kami ng sasakyan na dumating ay nagkatinginan kami ni Adrian. Kahit hindi ko pa man nakikita kung sino ang dumating ay para bang may idea na ako. Siya lang ang sinabi ni Nanay na darating sa araw na iyon para siraan ang aking umaga.
Kanina lang nang malaman ko ang tungkol sa balitang iyon ay agad nang pumasok sa isipan ko na magiging mahirap harapin ang araw na iyon. Pero ngayon, pagkatapos marinig ang mga sinabi ni Adrian ay tila ba nahimasmasan ako at muling nagliwanag ang aking mundo.
At least! May panlaban ako kung sakali man na magiging mahirap ang aming sitwasyon. Hindi ako mahihirapan dahil pareho kaming may dirty secret. Ang kaibahan lang ay mas malubha yata ang ginagawa ni Kai dahil mismong step-sister nito ang kanyang tinira. Oh! Buhay nga naman.
