Akhira's Pov
Kinabukasan ay nagising ako dahil sa isang katok mula sa pintuan ng aking kwarto. Inis kong tinakpan ang aking taenga dahil talagang inaantok pa. Ngunit hindi pa man lumipas ang ilang segundo ay muli na naman may kumatok. Sa puntong iyon ay narinig ko na ang boses ng aking Nanay.
"Akhira, anak, gising na," aniya kasunod ng isang katok.
"Hm..." tanging sagot ko gamit ang mahinang boses. Kahit yata ang sarili kong puwet ay hindi narinig ang salitang binitawan ko sa subrang hina. Talagang tinatamad pa dahil sa dulot ng antok.
"Akhira, bangon na diyan. Darating si Kai mamaya. Sasabay daw siya sa breakfast," pasigaw na dagdag ni Nanay dahilan para tuluyang magising ang aking diwa. Isang nakakagulat na pasabog ang aking narinig sa umagang iyon. Nanlalaki ang mga mata ko
