KATAHIMIKAN ang namayani sa loob ng sasakyan hanggang sa nakabalik na sila sa Mansyon.
Nang maigarahe ni Brandon ang sasakyan ay lumabas na siya. Hinintay niya pang makalabas ang binata kaya tumingin ito sa kanya.
“May ipag-uutos po ba kayo, Sir?” tanong niya. Umiling lang ang binata sa kanya.
“Sige po, Sir. Magbibihis lang po ako.” Sabi pa niya. Hindi nagsalita si Brandon ni ang tumango ay wala tanging titig lamang ito sa kanya. Napayuko siya at tumalikod at kahit sa paglalakad niya ay hindi siya komportable dahil alam niyang sinusundan siya ng tingin ng binata.
“Oh, Jen? Bakit nandito ka pa at— hala? huwag mong sabihin na pinapalayas kana ni boss?” nag-aalala agad si Helen. Bakit nga naman dito siya napunta sa kusina eh ang sabi niya magbibihis siya.
“Hoy!”
“Huh?” Nagulat pa
