KABANATA 18: COBRA’S BITE
HABANG NAGWAWALIS SI Stella sa loob ng bahay nila ay napatigil ito nang may kumatok. Napaisip naman siya kung sino iyon. Ang alam niya, hindi pupunta ang kaibigang si Maria Claire sa bahay nila. Napag-usapan na nila iyon.
“Sky, buksan mo ang pinto,” utos ni Stella.
“Okay po, Ate.”
Tumayo si Skyler mula sa sahig. Naglalaro kasi ito ng robot na ibinigay ni Cobra rito. Pagdating ni Skyler sa pinto, agad nito iyon binuksan. Napangiti naman ito nang makita kung sino iyon.
“T-Tito?” sambit nito.
Napatakbo naman si Stella papunta sa pinto nang marinig ang sinabi ng kapatid. Pagtingin niya kung sino ang taong kumatok ay agad niyang isinara muli ang pinto. Nababalisa siya na parang ewan. Hindi niya mapaliwanag ang nararamdaman. May halong hiya, takot, at pag-aalala.
