Kinabukasan ay maaga pa rin silang gumising kahit na late ng nakauwi at nakatulog. Nagtungo silang dalawa sa mall upang mamili ng kanyang mga pasalubong.
"Hindi naman nila ito kailangan." reklamo ng dalaga na nakasunod lang sa binatang may tulak ng cart.
"Pero magiging masaya sila once na nagbigay ka." pilit paunawa sa kanya ng kasintahan, "Bagay ba ito kay Papa Amorsolo?" tanong nitong ipinakita ang necktie.
Agad sinilip ng dalaga ang tag price nito.
"Ang mahal niyan, huwag mo ng bilhin!"
"At hindi rin naman natin ito pwedeng utangin." kwelang wika nito sabay hagis ng dalawa noon sa kanyang cart.
Nakabusangot na hinabol siya ng babae.
"Julian--"
"Iyong isa ay para kay Froylan," pagputol niya sa dalaga, "Mahilig na siya noon pa man sa kulay maroon."
Pikit-matang huminga si Freya.
