Maalinsangan ang panahon. Sa nakabukas na pintuan ng terasa ay makikita ang nagbabagang paligid sa init. Nang dahil doon ay agad nakatulog ang dalaga. Hindi niya man iyon tuluyang sadyain, ay nakaidlip pa rin ito.
Madilim na sa labas ng unit. Buhay na rin ang mga ilaw. Nakabukas pa rin ang pintuan ng terasa. Kitang-kita mula doon ang kumukutitap na mga ilaw ng siyudad. Nakahiga na siya sa sofa, nasa katawan ang comforter.
Sa bandang kusina ng unit ay abalang naghahain ng kanilang hapunan si Julian. Kakatayo niya lang rin. Hinihintay niyang magising ang dalaga kaya medyo late na rin siya nakaluto ng kanilang magiging hapunan.
"J-Julian...anong oras na?" pasok ng dalaga sa kusina.
Nakangiti siyang nilingon ng lalaki. Lalo pang lumawak ang ngiti nito nang marahang kusutin ni Freya ang mat
