Muli ay kinagat niya ang pang-ibabang labi. Tumagilid siya paharap sa maingay niyang electric fan.
"E kasi si Julian nagtanong sa akin na kung p-pwede da ba akong--"
"Pwedeng ano?!" excited niyang tanong na pinutol ang sasabihin ng pinsan, "Bilis!"
Namumula ang mukha ng dalaga na bumangon sa kanyang kama. Umi-isang linya na ang kanyang manipis na mga kilay. Nangungunot na rin ang kanyang noo.
"Patapusin mo kasi muna ako!" ubos ang pasensiya niyang saad dito, "Atat ka masyado diyan."
"Okay.."
Umayos ng upo ang dalaga. Huminga nang malalim.
"Tinanong niya ako na kung pwede niya ba akong ligawan." pikit-mata nitong saad.
Ilang saglit pa ay malakas na sumabog pabukas ang pintuan ng kanyang silid. Kasabay noon ay ang malakas na pagtili ng kanyang pinsan sa kabilang linya. Iniluwa noon
