Ikalabing-tatlo na Kabanata
Inang Reyna
Point of View: Clairn Novich Kuran
"Ahm... Clairn?"
Nabaling ang tingin ko kay Krenniza mula sa pagkakatanaw ko sa kalangitan nang tawagin niya ang pangalan ko. Bahagya siyang nakayuko sa likuran ko na para bang nagdadalawang-isip na istorbohin ako.
"Kren, ikaw pala." Tumayo ako mula sa pagkakaupo sa isang kahoy na silya at saka siya hinarap.
"Hindi ka pa po ba babalik sa iyong silid? Malamok na sa parteng ‘to nang ganitong oras."
"Hindi pa. Maaga pa naman. At isa pa, balak kong manood sa paligsahan."
"Pero hindi po ba at hindi ka pinayagan ng mahal na prinsipe?"
Napairap ako nang maalala na naman ang nangyari kanina. "Hindi niya ako pinayagan sumali pero wala naman siyang sinabing hindi ako puwedeng manood. Kaya sasamahan mo ako."
Nakita
