Ikalabing-apat na kabanata Simple Point of View: Third Person "Okay lang 'yan, Vaness. Mayroon pa ulit sa susunod na taon," pagpapagaan ni Krenniza sa loob niya habang pauwi galing sa paligsahan. Halos lahat ay pauwi na. Marami ang nanghihinayang sa pagkatalo ngunit may ilan din namang masaya sa naging resulta kahit hindi nanalo. May mga ilang parte na sa lugar ang nagpapatayan na ang mga ilaw ngunit may ilang naiwan para maging gabay sa mga pauwi na gaya nina Clairn. "Alam ko. At magiging mas handa na ako sa susunod na taon." Gaya ng inaasahan ay wala silang makitang kahit anong reaksyon sa mukha niya. Pero hindi gaya dati ay nasasanay na si Clairn kahit papaano. Mukhang ganoon din si Krenniza dahil napapalagay na ang loob niya rito. "Pero ang astig mo do’n kanina ah?" pagpupuri ni Krenn
