Ikalabing-isang Kabanata Kinababahala Point of View: Warlo Demel Miranda "Pagkatapos niyon, ano na? Pagkatapos mong mahuli ang Black Knights, ano na ang mangyayari sa 'yo?" Nais kong itanong sa kaniya ang mga katagang ito pero hindi ko na nagawa. Gusto kong kumpirmahin na nandito pa rin siya pagkatapos ng lahat pero ni isang letra ay hindi ko nagawang sabihin. Ngayong may gusto akong sabihin ay saka naman ako hindi makapagsalita. Ngayon lang ako nakakilala ng babaeng ganito katatag. Walang bahid ni kaunting takot sa kaniyang mga mata. Tanging determinasyon lang ang nakita ko roon nang pagmasdan ko siya. Kung ako pa ito dati ay wala naman akong pakialam sa kaniya. Isa lang naman siya sa mga pasyente ko na dapat kong gamutin dahil gusto ng ikalawang prinsipe. Kung hindi naman dahil sa utos n
