Chapter Ten: Burnt In Flames
Sumapit ang gabi at napagdesisyunan ni Sir Dmitri na maghapunan kami kasama ng aking mga kapatid sa isa sa mga restaurant niya.
Siyempre, pumayag na lang din ako. Dahil sa oras na tumanggi ako ay gagawa na naman siya ng eksena at palalabasin akong masamang tao sa harap ng mga kapatid ko.
Hindi ko alam ang takbo ng isipan ni Sir Dmitri pero kinikilabutan ako sa tuwing iisipin ko pa lang. Para siyang may sayad sa utak. Sino ba namang taong nasa tamang pag-iisip ang susuntukin ang sarili para lang mapatunayan ang kanyang ninanais?
At isa pang ipinagtataka ko, ay ang pagpapasunod niya sa aking mga kapatid na parang hinihipnotismo. Alam kong hindi lang dahil binilhan niya ng gadgets ang mga kapatid ko kaya sila ganyan ka close. Para bang magkakilala na si
