"Mom, Dad, sigurado ba kayong hindi na kayo mag-stay dito kahit ilang araw lang?" tanong ko kay Mommy.
Bitbit ko ang isang maliit na basket na may lamang mga gulay na inani. Bukod doon, maraming isda na huli ang pinadala kila Daddy. Mukhang nagpapalakas si Isaac dahil lahat ng huli kaninang madaling araw ay binili niya para ipadala sa magulang ko. Maaga rin siyang umalis kanina para bumili ng mga saging punong-puno tuloy ang sasakyan na dala nila.
"Hindi kami puwedeng manatili rito dahil marami kaming importanteng gagawin ng Daddy mo," wika ni Mommy.
"Mag-iingat kayo sa biyahe." Hinalikan ko pa silang dalawa.
Seryoso ang mukha ni Mommy habang nakatingin sa akin.
"Bakit? May dumi ba ako sa mukha?" tanong ko kay Mommy.
Huminga siya ng malalim.
"Malaki ka na talaga parang kailan lang
