KANINA ko pa kinikiskis ang dalawang kamay ko sa hita ko habang kasama ko ang mga magulang ni Isaac sa chapel na nasa loob ng hospital. Nakayuko sila at nagdarasal dahil sa mga oras na ito ay inooperahan ni Isaac ang Lola niya. Kanina pa ako nagdasal na pagalingin ang Lola ni Isaac. Ngunit ang mga magulang niya ay nagrorosaryo sa simbahan. Gusto ko na sanang umalis at pumunta muna sa condo ko ngunit nahihiya akong magpaalam sa kanila.
"Jeyrin." Isang tapik sa balikat ng Daddy ni Isaac ang nagpadilat sa akin. Hindi ko namalayan na nakatulog na pala ako sa kahihintay sa kanila.
"S-Sorry!" Inayos ko pa ang upo ko.
Ngumiti sila sa akin. "Matagal pa matatapos ang operasyon. Umuwi ka muna para makapagpahinga. Ilang oras pa bago matapos ang operasyon," wika ng Daddy ni Isaac.
Tumango ako. Kan
