"Bakit ka nakangiti?" tanong ko kay Rosie.
Dalawang linggo na siyang nakalabas ng hospital at sa loob ng dalawang linggo na iyon ay kami ni Candy ang nag-asikaso sa kanya. Pagkalabas niya ng hospital ay pinabalik na niya ang Mommy niya sa ibang bansa dahil hindi sanay ang Daddy niya na wala ang Mommy niya.
"Natutuwa lang ako dahil sa loob ng dalawang linggo na paghihintay ko ay sa wakas ay masasayaran na rin ang lalamunan ko ng alak."
"Siguraduhin mo lang na okay ka na at hindi ka magpapakamatay kapag uminom ka ng alak," wika ni Candy.
"Puwede ba 'wag n'yo ng paalala sa akin ang katangahan ko. Nagsisi ako kung bakit ko ginawa iyon." Sabay simangot niya.
"Mabuti naman at naka-move on ka na. Kung hindi mo siguro nalaman na nakikipagtalik ang ex-boyfriend mo sa bakla hindi ka matatauhan,
