Panibagong araw na naman ang dumating. Habang papalapit nang papalapit ang araw ng kanyang bitay ay hindi niya maiwasang malungkot. Mabuti na lamang at tumawag ang kanyang Kuya Larux at kinumusta si Honey, ang kanyang tuta na regalo nito sa kanya. Matapos niyon ay dumating naman ang dalawa niyang kaibigan. Tinawagan niya kasi ang mga ito dahil sa isang importanteng pinapagawa sa dalawa.
Nilapag lahat ni Carmelli at Ricky ang dalawang laptop na kanilang pagmamay-ari, pati magazines at printouts na tungkol lahat kay Chris Anthony Carbonel.
"Ito, bruha! May page ang fafabels mo sa isang magazine na itago na lang natin sa namesung na 'Yes!' Magazine! And for four months sinubaybayan ang talambuhay ng lolo mong twenty-five years old. Karamihan ay patungkol sa engagement nila ni Jasmine
