Steffany’s Point of view
“Steffany, makinig ka, demonyo ang kapatid mo at kailangan mong lumayo sa kan’ya bago pa niya tuluyang sirain ang buhay mo.” Nagulantang ako sa naging pahayag ni ate Ailyn, pakiramdam ko ay may kung anong kilabot ang kumalat sa bawat himaymay ng aking laman. Labis akong naguguluhan sa kung ano ang mga sinasabi ni Ate Ailyn, tinitigan kong mabuti ang kanyang mukha baka sakaling nagbibiro lang ito ngunit ang tanging naaaninag ko sa kanyang mga mata ay galit at matinding takot.
“A-ano bang sinasabi mo ate Ailyn hindi magagawa sa akin ni kuya Hades ang bagay na ‘yon, kilala ko si kuya Hades, buong buhay niya ay binigay niya sa akin para lang maitaguyod ako. Alam ko na masama ang loob mo kay kuya, pero hindi naman yata tama na siraan mo siya sa akin.” Seryoso kong pah
