Steffany’s Point of view
Ten o’clock na ng gabi at kanina pa ako palakad-lakad dito sa loob ng aking kwarto, hindi na ako mapakali, at sa bawat minutong lumilipas ay ibayong kabâ ang nararamdaman ko. Napakatahimik ng buong silid at ang tanging naririnig ko lang ay ang malakas na tibôk ng puso ko at ang tunog ng orasan. Matinding takot ang bumabalot sa buong pagkatao ko dahil sa nalalapit na pag-uwi ni Hades. Simula ng ipagtapat sa akin ni Ailyn ang lahat ng tungkol sa aking kapatid ay nakadama na ako ng takot para sa kanya kaya kaagad akong lumipat sa aking kwarto kasama ang aking anak.
Sa totoo lang ay hindi ko alam kung paano ko haharapin si Hades, dahil sa tuwing pumapasok sa isipan ko kung gaano ito kasama ay parang gusto ko ng tumakbo palayo. Bigla akong nahinto sa paghakbang ng mau
