Ailyn’s Point of view
“Mukhang aalis ka Ailyn?” Si Hades pagkatapos nitong isarado ang pintuan, patuloy siya sa paghakbang palapit sa akin habang ako naman ay patuloy sa marahang pag-atras. Nakita ko na dumukot ito ng sigarilyo mula sa kanyang bulsa bago sinindihan ito gamit ang kanyang mamahaling lighter. Minsan ko lang siyang nakita na nanigarilyo at iyon ay sa tuwing may gagawin siyang hindi maganda.
Nanginginig ang mga kamay ko, maging ang aking mga tuhod ay hindi na mapigilan sa pangangatog. Natigil ako sa pag-atras ng bumangga ang aking likod sa gilid ng sofa, magkasunod na paglunok ang ginawa ko at saka ko lang narealize na kanina pa pala ako hindi humihinga.
Nagpatuloy sa paghakbang ang binata palapit sa akin, pagkatapos ng ilang hithit buga na kanyang ginawa ay pinatay nito an
