“Masuyo kong hinahaplos ang pisngi ng aking anak habang ito ay nasa aking mga bisig. Malaya ko na itong nalalapitan at kasama ko na rin ito sa pagtulog. Tuluyan ng nagbago ang lahat dahil iisang kwarto na ang ginagamit namin ni Hades, pinalipat na rin niya ang lahat ng mga gamit ko sa kanyang kwarto kaya para na kaming mag-asawa.
Ang kulang na lang talaga sa amin ay kasal, makailang beses na rin akong niyaya nito na magpakasal ngunit sa tuwina ay gumagawa ako ng mga dahilan upang maudlot ito.
Wala sa plano ko ang magpakasal sa kanya dahil sa oras na maikasal kami ay tuluyan na akong hindi makakaalis sa kanyang poder. Napasinghap ako ng biglang pumulupot ang dalawang braso ni Hades sa aking baywang mula sa likod bago ibinaon nito ang mukha sa aking leeg. Ito ang kanyang nakagawian tuwing
