[MELLO IXEN’S P.O.V.]
“Hindi mo pa rin ba nahahanap kung saan nakadestino ang Gryphon Building na ‘yon?” tanong ko kay Dexter.
Hindi ako umuwi simula pa kagabi sa dorm namin dahil gusto kong malaman kung saan mismo sa Elysian Island ang negosyo ng Caleb Damien Deville na ‘yon. Alam kaya ng pinsan niya na si Ashleigh na bumili siya ng mga droga ko? Hindi kaya ay nagsumbong na si Ashleigh sa kaniyang pinsan kaya naman naisipan nila na gantihan ako dahil nalaman nila ang tungkol sa negosyo kong ito?
Pero imposible ‘yon. Lalo na at hindi naman alam ng mga estudyante sa Alston ang tungkol sa ilegal na droga na ibinebenta ko sa Mafia Organzation. Alam nila na mayroong M.O. pero hindi naman nila alam ang tungkol sa ilegal na negosyo ko roon. Mga malalaking tao lang din naman ang nakakaalam
