[BLAINE’S P.O.V.]
“Sinisiguro ko lang kung talaga ba na wala kang balak na kalabanin ako. Bakit gusto mo akong maging business partner mo? Ang alam ko ay legal na nagbebenta kayo ng mga firearms, totoo ba ‘yon?” tanong pa sa akin ni Mello. Inaasahan ko na rin naman na kakausapin niya ako, lalo na at kilala na niya ako bilang pinsan ni Ash. Pero kailangan ko pa ring umakto ng ayos, nang sa gano’n ay hindi niya mahalata na may iba akong gagawin sa mga droga na nabili ko mula sa organisasyon niya.
“Totoo ‘yon. Kung mapapatunayan mo rin sa akin na mapagkakatiwalaan kita, maaari tayong maging business partners. Tamang-tama ang negosyo ko sa negosyo na mayroon ka. Lalo na at kakailanganin din ng mga kliyente mo ng mga makabagong armas na maaari nilang gamitin sa panlaban. Hindi ba at maganda
