[BLAINE’S P.O.V.]
Hindi ko pa muling nakakausap si Ash dahil noong umuwi ako sa bahay ay nakatulog na siya. Hindi ko tuloy alam kung ano ang napag-usapan nila ni Annaise. Alam ko rin naman na pagod na si Ash sa pagpapanggap niya sa araw na ‘to. Gusto ko man siya na tulungan dahil ayoko na nasasaktan at sinasaktan siya ng ibang tao, pero wala akong magawa. Inaasahan na rin naman namin na malaki ang posibilidad na gano’n ang maranasan niya. Lalo na at nagkukunwari siyang isang nerd. Kaya aakalain talaga nina Mello na mahina siya at madali lang na mapagtripan.
Nakatanggap naman ako ng tawag mula kay Mom. Agad ko itong sinagot. Sigurado ako na may bago na naman itong iuutos sa akin. Tumatawag lang naman siya sa akin kapag may ibabalita na bagong impormasyon o ‘di kaya ay kapag may iuutos si
