CHAPTER 27
GWYNETH's POV: (JANETH)
"Oh... Uminom ka muna ng juice, Janeth.. Baka sabihin mo, walang puso ang boss mo," sambit ni Sir David sa akin nang i-abot niya ang baso na may laman na juice.
Kakatapos ko lang maglaba at magsampay ng mga damit nila ng anak niya sa may rooftop.
Meron kasing rooftop ang kanilang bahay at doon ko mismo sinampay sa itaas ang mga damit matapos ang aking labada.
Kaya nang bumaba ako, hindi ko inaasahan na pagtitimplahan ako ni Sir David ng juice gayong aso't pusa lagi kami dito sa loob ng kanilang bahay. Nagiging normal na nga yata sa aming dalawa ang magbangayan — sapagkat hindi namin magawang magkasundo.
"Ikaw ba talaga 'yan sir David? — Mukhang sinapian ka yata ng pagiging anghel ngayon ha?" usal ko sa aking boss nang mapansin ko ang kakaibang kilos
