Hindi ko alam kung bakit interesado iyong Ernst na 'yon sa buhay ni Mykolas. Pati na rin sa love life niya ay mukhang binabantayan niya siya.
Iyon ang isang malaking tanong na gumugulo sa utak ko sa loob na ng ilang araw.
Hindi kaya may hint na siya tungkol sa akin kaya gano'n na lang siya ka-interesado? Baka may hinala na siya na ako iyong pinapahanap nila? May kutob na kaya siya na girlfriend ni Mykolas iyong babaeng naligaw doon sa alleyway noong gabing nakikipag-transact sila?
O puwede rin na may nagsabi sa mga kasama nila noong gabing iyon na hindi ako dinispatsa ni Mykolas? Na may napatay pa siyang kasamahan nila dahil sa akin?
Kinamot ko ang ulo ko saka dumukmo sa arm chair ng upuan.
Kung may hint na si Ernst tungkol sa akin, hindi ba malalaman ni Mykolas iyon o ng mga kasamaha
