“Ang kapal ng mukha.”
Naiinis na naikuyon ni Ella ang kamao niya habang nakatitig sa cellphone niya. Wala naman siyang ibang kilala na tatawag sa kanya ng Katkat maliban kay Gio.
Matapos nito ipagtabuyan siya at ipamukha sa kanya na walang saysay ang pagdating niya sa buhay nito, tapos ngayon ay sasabihin nito na makipaghiwalay siya kay Carter. Natawa na lang siya nang mapakla dahil sa inis dito.
“Don't mind that, just ignore him. Sinasabi ko sa 'yo, Kathriella Gallego, 'wag na 'wag mong lolokohin si Carter. Hindi kita pinalaking ganyan,” sabi ni Snow sa kaibigan habang panay ang tipa nito sa phone habang ka-text ang kasintahan nito na si Isvan.
“Wala na nga akong pakialam sa Gio na 'yon,” mahinang tugon na lang niya saka napairap.
Labas sa ilong ang sinabi niyang 'yon, pero kailangan
