“K-kayo po ba ang mga magulang ni Katkat?” tanong ni Nestlyn.
“Diyos ko Kranos, buhay si Katkat! Buhay ang anak natin!” bumuhos ang masaganang luha mula sa mga mata ni Mrs. Gallego.
Napatingin si Gio kay Mr. Gallego at halata rin sa mga mata nito na naluluha rin ito.
“W-where is she? Where's my daughter?” tanong ni Mr. Gallego sa kaniya.
“Nandoon po siya sa bahay ni Gio.” si Nestlyn na ang sumagot.
Para siyang nawalan ng lakas. Hindi niya magawang magsalita at sumagot sa tanong ng mga ito.
“Gio, umayos ka.” bulong ng kaibigan niya sa kaniya. Pumikit siya ng mariin saka huminga ng malalim para patatagin ang sarili.
“Kung mamarapatin niyo, gusto ko po munang makasigurado na kayo talaga ang mga magulang ni Katkat.” seryosong sabi niya.
Kahit pa kamukhang kamukha ni Katkat ang
