“Bakit hindi ka nakauwi kagabi? Tawag ako nang tawag sayo pero hindi mo sinasagot,” pambungad na tanong ni Christine pagkapasok ni Matthew ng bahay. Seryoso itong nakatingin sa asawa habang naka-dekwatro ng upong pambabae sa sofa at nakahalukipkip pa ang mga braso.
Tiningnan ni Matthew ang asawa. Halata rito na bagong gising ito dahil naniningkit pa ang mga mata at gulo-gulo ang ayos ng buhok saka gusot-gusot din ang suot na damit. Halatang hindi nakapag-ayos bago umuwi ng bahay.
Tipid na ngumiti si Matthew bago nagsalita. “Ah… eh… pasensiya na, Sweetie. Late na kasi natapos si boss sa mga ginagawa niya kaya late ko na rin siya naihatid sa bahay. Tapos nakatulog pa ako habang hinihintay ko siyang matapos kaya hindi ko nasasagot iyong mga tawag mo,” pagsisinungaling na sabi ni Matthew. Ka
